ദൈവകാരുണ്യ ഭക്തിയിൽ ജീവിക്കാൻ വേണ്ട പ്രായോഗിക നിർദ്ദേശങ്ങൾ

എല്ലാം എങ്ങനെ ആരംഭിച്ചു?

1930-ൽ വിശുദ്ധ ഫൗസ്റ്റീന എന്ന പോളിഷ് സന്യാസിനിക്ക് ഈശോ പ്രത്യക്ഷപ്പെട്ടു. വിശുദ്ധ ഫൗസ്റ്റീനയ്ക്ക് നൽകിയ ദർശനങ്ങളിലൂടെയും വെളിപാടുകളിലൂടെയും, ദൈവകാരുണ്യത്തോടുള്ള ഭക്തി പ്രചരിപ്പിക്കാനുള്ള തന്റെ ആഗ്രഹം ഈശോ അറിയിച്ചു.

വിശുദ്ധ ഫൗസ്റ്റീന തനിക്കുണ്ടായ എല്ലാ നിഗൂഢ അനുഭവങ്ങളും ദർശനങ്ങളും തന്റെ ഡയറിയിൽ വിശ്വസ്തതയോടെ രേഖപ്പെടുത്തി. അത് ഏവരെയും വിസ്മയിപ്പിക്കുന്ന, ജീവിതം മാറ്റിമറിക്കുന്ന പുസ്തകമായി തീർന്നു.

"ഈശോയേ, ഞാൻ അങ്ങയിൽ ശരണപ്പെടുന്നു"
"എന്റെ രണ്ടാം വരവിനായി നീ ലോകത്തെ ഒരുക്കും." (വി. ഫൗസ്റ്റീനയോടുള്ള ഈശോയുടെ വാക്കുകൾ - ഡയറി 429)

എന്താണ് കരുണ?

ഞാൻ ദൈവത്തോട് 'കർത്താവേ എന്നോട് കരുണയായിരിക്കണമേ' എന്ന് അപേക്ഷിക്കുമ്പോൾ:

• എനിക്ക് അർഹതയില്ലെങ്കിലും നിന്റെ കരുണ എന്നിലേക്ക് ഒഴുക്കണമേ എന്നും,
• എന്നോട് ക്ഷമിക്കണമേ എന്നുമാണ് യാചിക്കുന്നത്.

കർത്താവേ, എനിക്ക് അർഹതയില്ലെങ്കിലും എനിക്ക് നിന്റെ കൃപ നൽകണമേ. ഞാൻ അർഹിക്കുന്നില്ലെങ്കിലും എന്റെ പാപം എന്നോട് ക്ഷമിക്കേണമേ. ഞാൻ എന്റെ അയോഗ്യത ഏറ്റുപറയുകയും ദൈവത്തിന്റെ അപരിമേയമായ കരുണയും നന്മയും പ്രഖ്യാപിക്കുകയും ചെയ്യുന്നു.

"പാപികൾക്കുവേണ്ടി ഞാൻ കരുണയുടെ സമയം നീട്ടിനൽകുകയാണ്. എന്നാൽ, എന്റെ സന്ദർശനത്തിന്റെ ഈ സമയം അവർ തിരിച്ചറിയുന്നില്ലെങ്കിൽ അവർക്ക് കഷ്ടം." (Diary, 1588)

---

ദൈവകാരുണ്യ ഭക്തിയുടെ 5 ഘടകങ്ങൾ

ദൈവം നിങ്ങളെ അനുഗ്രഹിക്കും. ഈ അഞ്ച് ഘടകങ്ങൾ പഠിക്കുകയും ജീവിതത്തിൽ പകർത്തുകയും ചെയ്യുക:

ഛായാചിത്രം ജപമാല മണിക്കൂർ (3 PM) നോവേന തിരുനാൾ

1. ദൈവകരുണയുടെ ഛായാചിത്രം

ഛായാചിത്രത്തെക്കുറിച്ചുള്ള യേശുവിന്റെ വാക്കുകൾ:

"ഈ ചിത്രത്തിലൂടെ ഞാൻ അനവധി കൃപകൾ ആത്മാക്കളിലേക്ക് ഒഴുക്കും. അതിനാൽ എല്ലാ ആത്മാക്കൾക്കും ഇതിനെ സമീപിക്കാൻ സാധിക്കട്ടെ." (ഡയറി, 570)

"ഈ ചിത്രം വണങ്ങുന്ന ആത്മാവ് ഒരിക്കലും നശിച്ചുപോകില്ലെന്ന് ഞാൻ വാഗ്ദാനം ചെയ്യുന്നു. മരണസമയത്തും ആ ആത്മാവിന് ശത്രുക്കളുടെ മേൽ വിജയം നൽകും. എന്റെ സ്വന്തം മഹത്വമായി ഞാൻ അതിനെ സംരക്ഷിക്കും." (ഡയറി, 48)

പ്രായോഗിക വഴികൾ:

1. ദ പവർ പോസ് (The Power Pause): വീട്ടിൽ എല്ലാവരും ശ്രദ്ധിക്കുന്ന ഒരിടത്ത് ഈ ചിത്രം വയ്ക്കുക. കടന്നുപോകുമ്പോഴെല്ലാം ഒരു നിമിഷം ഭക്തിയോടെ ഹൃദയത്തിൽ തൊട്ട് പ്രാർത്ഥിക്കുക.
2. ടു-ഡൂ ലിസ്റ്റും ചിത്രവും: നിങ്ങളുടെ പോക്കറ്റിലോ പേഴ്സിലോ ഒരു ചെറിയ ചിത്രം സൂക്ഷിക്കുക. നിങ്ങളുടെ ജോലികളെ ഈശോയുടെ കരുണയുടെ കിരണങ്ങളിൽ സമർപ്പിക്കുക.
3. ദിവസം മുഴുവൻ കൂടെ: യാത്രയിലോ ജോലിയിലോ ആയിരിക്കുമ്പോൾ ഈ ചിത്രം മനസ്സിൽ കൊണ്ടുവരിക. ആ സാന്നിധ്യത്തിൽ പ്രാർത്ഥിക്കുക.

2. ദൈവകരുണയുടെ ജപമാല

"ഈ ജപമാലയിലൂടെ നീ ചോദിക്കുന്നതെല്ലാം നിനക്ക് ലഭിക്കും." (ഡയറി 1731)

ചൊല്ലേണ്ട ക്രമം:

1. കുരിശടയാളം, സ്വർഗ്ഗസ്ഥനായ പിതാവേ, നന്മ നിറഞ്ഞ മറിയമേ, വിശ്വാസപ്രമാണം.

2. വലിയ മണികളിൽ: "നിത്യപിതാവേ, ഞങ്ങളുടെയും ലോകം മുഴുവന്റെയും പാപപരിഹാരത്തിനായി അങ്ങയുടെ വത്സലസുതനും ഞങ്ങളുടെ രക്ഷകനുമായ കർത്താവീശോമിശിഹായുടെ തിരുശരീരവും തിരുരക്തവും ആത്മാവും ദൈവത്വവും അങ്ങേയ്ക്ക് ഞാൻ സമർപ്പിക്കുന്നു."

3. ചെറിയ മണികളിൽ: "ഈശോയുടെ അതിദാരുണമായ പീഡാസഹനങ്ങളെ പ്രതി, ഞങ്ങളുടെ മേലും ലോകം മുഴുവന്റെ മേലും കരുണയായിരിക്കണമേ."

4. സമാപനം (3 തവണ): "പരിശുദ്ധനായ ദൈവമേ, പരിശുദ്ധനായ ബലവാനേ, പരിശുദ്ധനായ അമർത്യനേ, ഞങ്ങളുടെ മേലും ലോകം മുഴുവന്റെ മേലും കരുണയായിരിക്കണമേ."

3. ദൈവകരുണയുടെ മണിക്കൂർ (3:00 PM)

"മൂന്ന് മണിക്ക് എന്റെ കരുണയ്ക്കായി പ്രാർത്ഥിക്കണം. ഈ മണിക്കൂറിൽ ചോദിക്കുന്നതൊന്നും ഞാൻ നിഷേധിക്കുകയില്ല." (ഡയറി 1320)

സമർപ്പണം: "ഈശോയുടെ തിരുഹൃദയത്തിൽ നിന്ന് ഞങ്ങൾക്ക് വേണ്ടി കാരുണ്യസ്രോതസ്സായി ഒഴുകിയിറങ്ങിയ തിരുരക്തമേ, തിരുജലമേ, ഞാൻ അങ്ങയിൽ ശരണപ്പെടുന്നു."

4. കാരുണ്യ പ്രവൃത്തികൾ

ആത്മീയമായവ:

• അറിവില്ലാത്തവരെ പഠിപ്പിക്കുക
• സംശയങ്ങൾ തീർക്കുക
• ആശ്വസിപ്പിക്കുക
• തെറ്റുകൾ തിരുത്തുക
• ക്ഷമിക്കുക

ശാരീരികമായവ:

• ഭക്ഷണം നൽകുക
• ദാഹം തീർക്കുക
• വസ്ത്രം നൽകുക
• രോഗികളെ സന്ദർശിക്കുക

5. ദൈവകരുണയുടെ തിരുനാൾ

ഈസ്റ്ററിന് ശേഷമുള്ള ആദ്യ ഞായറാഴ്ചയാണ് ദൈവകരുണയുടെ തിരുനാൾ. അന്ന് കുമ്പസാരിച്ച് വിശുദ്ധ കുർബാന സ്വീകരിക്കുന്നവർക്ക് പാപങ്ങളുടെ പൂർണ്ണമായ മോചനം ഈശോ വാഗ്ദാനം ചെയ്യുന്നു.

ഈശോയേ, ഞാൻ അങ്ങയിൽ ശരണപ്പെടുന്നു.